İngiltərə çempionatının 36-cı turunda “Mançester Yunayted” səfərdə “Kristal Pelas”la qarşılaşıb. Oyuna daha yaxşı başlayan qonaqlar fasiləyədək hesabı açıblar. İlk hissəyə əlavə edilən 1-ci dəqiqədə Markud Reşford fərqlənib. Ruhdan düşməyən meydan sahibləri 55-ci dəqiqədə topu qapıdan keçirsələr də oyundan kənar vəziyyət qeyd alınıb. 78-cı dəqiqədə hədəfi dəqiq nişan alan Antoni Marsiyal mübarizəyə nöqtə qoyub. 2 cavabsız qolla qalib gələn “Mançester Yunayted” 62 xalla “ilk beşliy”i tamamlayır.
Digər görüşdə də eyni hesab qeydə alınıb. Söhbət “Lester” – “Şeffild Yunayted” matçından gedir. 29-cu dəqiqədə meydan sahiblərindən Ayose Peres hesabı açıb. İkinci hissədə isə Demaray Qrey fərqi 2 topa çatdırıb. “Lester” – “Şeffild Yunayted”: 2-0. Xallarının sayını 62-ə yüksəldən “Lester” 4-cüdür.