İrlandiyalı MMA döyüşçüsü Konor Makqreqor yenidən diqqət mərkəzindədir. O, karyerasının başa çatdığını elan edib. Məşhur idmançı bu barədə özünün sosial şəbəkə hesabında bildirib. Sitat: "Salam uşaqlar, mən döyüşlərdən getməyə qərar verdim. Gözəl xatirələrə görə hamıya təşəkkür edirəm".
Makqreqorun bu paylaşımına inanmayanların da sayı kifayət qədərdir. Buna səbəb isə onun artıq bir neçə dəfə karyerasını bitirmək barədə qərar verməsidir. İrlandiyalı döyüşçü bunadək 2016 və 2019-cu illərdə də MMA karyerasını başa vurduğunu elan etmişdi. Amma buna baxmayaraq sonradan döyüşlərə qatılmışdı. Konor MMA karyerasında çıxdığı 26 döyüşün 22-də qalib gəlib. Bunlardan 19-u nokautla nəticələnib.