Formula 1 üzrə 2 qat dünya çempionu Fernando Alonso qarşıdakı mövsümdə hansı yarışda iştirak etməsi ilə bağlı “Twitter” sosial şəbəkəsində sorğu keçirib.
İspaniyalı pilot pərəstişkarlarının 4 variantdan birini seçməyi xahiş edib. Sorğuda iştirak edənlərdən 82,7 faizi onun Formula 1 qayıtmasını arzuladığını bildirib. Azarkeşlərin 8,8 faizi 38 yaşlı pilotun “İndikar” yarışlarında olmasını istəyib, 5,4 faizi isə “Dakar” variantına üstünlük verib. İzləyicilərin 3,2 faizi Fernandonu WEC maşınlarını idarə etməyə layiq görüb.
Xatırladaq ki, Alonso karyerası boyunca bu yarışların hamısında iştirak edib.