İBF, WBO və WBA versiyası üzrə sabiq dünya çempionu Endi Ruis WBC-də dünya çempionu Tayson Fyuri ilə qarşılaşmaq istədiyini söyləyib.
Mətbuata açıqlama verən meksikalı əlcək ustası avqust ayında başqa bir boksçu ilə döyüşə çıxmaq niyyətindədir. O, dəqiq ad çəkməsə də, həmin boksçunun Luis Ortis olduğu ehtimal edilir. Ötən ilin iyununda Entoni Coşuaya qalib gələn Ruisin dekabr ayında revanş döyüşündə ona məğlub olduğunu da xatırladaq.