PSJ-nin hücumçusu Kilian Mbappe son vaxtlar Tomas Tuxelin onu erkən əvəzləməsindən narahatlığını bildirib.
“La Parisien” nəşri xəbər verir ki, 21 yaşlı futbolçu meydanı digər hücumçulardan tez tərk etməsindən narazıdır. Mənbə yazır ki, artıq Paris klubunun idman direktoru Leonardo problemi yoluna qoymaq üçün onlarla ayrıca söhbət edib. Mbappe iddia edir ki, əvvəla, Tuxelin fəaliyyəti PSJ-nin siyasəti ilə uyğun gəlmir, ikincisi də, klub gərək oyunçulardan kommersiya maraqlarına görə istifadə etsin. Amma alman mütəxəssis Mbappeni digər oyunçulardan fərqləndirmir.
Kilianın bütün turnirlər nəzərə alınmaqla, bu mövsüm 25 oyunda meydana çıxdığını və 22 qol vurub 12 məhsuldar ötürmə etdiyini də xatırladaq.