Futzal üzrə Azərbaycan milli komandası 2020-ci il dünya çempionatının elit-raundunda qrupda 2-ci oyunu keçirib. Startda meydan sahibi Xorvatiya seçməsinə 0:2 hesabı ilə məğlub olan futzalçılarımız Rusiya millisi ilə çətin qarşılaşmada qalib gəlib. Şimal qonşularımızla görüşdə məğlubiyyət final mərhələsinə yolu bağlayacaqdı. Amma millimiz ilk turda Slovakiya seçməsindən 7:1 üstün olan komanda ilə matçda əzmkarlıq göstərərək olduqca mühüm qalibiyyət əldə edib.
Futzal: Dünya çempionatının elit-raund mərhələsi
30 yanvar
Azərbaycan - Rusiya – 4:3
Qollar: R.Vilela, 01:44. E.Kardoso, 33:31; 39:24. İ.Atayev, 36:45 - Romulo, 15:28. D.Davıdov, 17:33. A.Antoşkin, 39:40.
Azərbaycan: Rövşən Hüseynli (q), Vassura, Eduardo Borges, Rafael Vilela, Kardoso Everton, Rizvan Fərzəliyev (k), Xətai Bağırov, İsa Atayev, Batton, Ramiz Çovdarov, İshaq Soorqali, Amir Şocaei, Emin Kürdov (q).
Baş məşqçi: Joze Alesio Da Silva.