Dekabrın 20-də Azərbaycan Texniki Universitetinin idman zalında AFFA-nın təşkilatçılığı ilə futbol turnirinə start verilib.
Müasir müstəqil Azərbaycan dövlətinin memarı və qurucusu, ümummilli lider Heydər Əliyevin ölkəmizdə siyasi hakimiyyətə gəlişinin 50 illik yubileyi münasibətilə AFFA-nın təşkilatçılığı ilə baş tutan turnirdə dövlət və media qurumlarının təmsilçilərindən, eləcə də tanınmış idmançılardan və ictimai xadimlərdən ibarət 8 komanda mübarizəyə qoşulub.
“İlhamlı qələbələr” adlı turnirdə “AZTV”, “AZƏRTAC”, “ATV”, “İdmançılar”, “Nəşriyyat”, “Trend”, “Speys”, “Şou Biznes” komandaları mübarizə aparırlar.