FİFA ilin sonuncu reytinq cədvəlini açıqlayıb.
Noyabr ayı ilə müqayisədə Azərbaycan millisi reytinqdə öz yerini qoruyub. Millimiz hələ də siyahıda 114-cü pillədə qərarlaşıb. Yığmamızın aktivində 1177 xal var. 1178 xalla Tailand seçməsi Azərbaycan millisini bir pillə qabaqlayırsa, ən yaxın izləyicimiz 1174 xalla Kosova yığmasıdır.
İlk “10-luq”da isə bu komandalar qərarlaşıb: Belçika (1765), Fransa (1733), Braziliya (1712), İngiltərə (1661), Uruqvay (1645), Xorvatiya (1642), Portuqaliya (1639), İspaniya (1636), Argentina (1623), Kolumbiya (1622).