İngiltərədə bütün idman növləri üzrə ən yüksək əmək haqqı alan məşqçilərin adları açıqlanıb.
Siyahıya “Mançester Siti”nin baş məşqçisi Xosep Qvardiola başçılıq edir. İspaniyalı mütəxəssisin illik maaşı 20 milyon funt sterlinq təşkil edir.
“Üçlüy”ü “Tottenhem”in baş məşqçisi Maurisio Poçettino ilə “Mançester Yunayted”ə rəhbərlik edən Ole Qunnar Sulşer qapayır. Onların illik məvacibi müvafiq olaraq 8,5 və 7,5 milyon funt sterlinqdir.
“Formula 1”də çıxış edən “Mercedes”in icraçı direktoru Toto Volff illik 7 milyon funt sterlinq qazancla 4-cü yerdədir. Komanda Almaniyanı təmsil etsə də, bazası İngiltərədədir.