“Sabah” basketbol komandası bu gün FIBA Avropa Kubokunda növbəti oyununa çıxacaq.
G qrupunda mübarizə aparan Bakı təmsilçisi Yunanıstanda "Marussi" klubu ilə üz-üzə gələcək. “Marussi Saint Tomas” arenasında keçiriləcək qarşılaşma Bakı vaxtı ilə saat 22:15-də start götürəcək.
Komandalar arasında Bakıda oynanılmış görüş rəqibin 82:70 hesablı qələbəsi ilə nəticələnib.
Qeyd edək ki, Rimas Kurtinaytisin başçılıq etdiyi “Sabah” daha əvvəl "Spiru"ya (Belçika) evdə 68:78, səfərdə 81:82, "Norrçepinq Dolfins"ə (İsveç) isə 70:74 hesabı ilə məğlub olub.