Misli Premyer Liqasının 12-ci turun 2 oyunu keçirilib.
“Səbail” səfərdə “Kəpəz”lə üz-üzə gəlib. Oyunun taleyini bir qol həll edib. 2-ci hissəyə artırılan 5-ci dəqiqədə Gəncə klubunun heyətindən Camal Cəfərov diqqət mərkəzinə düşüb. Qarşılaşma “Kəpəz”in 1:0 hesablı qələbəsilə yekunlaşıb. “Səbail” isə mövsümdə 9-cu dəfə meydanı məğlub tərk edib. “Səbail”in 7, “Kəpəz”in isə 6 xalı var. 12-ci turda “Sumqayıt” Sabahı qəbul edib. İlk yarıda qol olmayıb. 2-ci yarıda “Sabah” futbolçuları daha yaxşı təsir bağışlasa da qolu meydans ahibləri vurublar. Əlavə olunan 4-cü dəqiqədə Roy Kehat fərqlənib. Minimal hesablı qələbə qazanan “Sumqayıt” 13 xalla 6-cı pillədə qərarlaşıb. 4 xal irəlidə olan “Sabah” 5-cidir. Misli Premyer Liqasına 28 xalla “Qarabağ” başçılıq edir.