"Qarabağ" Portuqaliyanın “Tondela” klubunun yarımmüdafiəçisi Telmu Arkanjini transfer etməkdə problem yaşayır. Ağdam təmsilçisi futbolçunun özü ilə razılığa gəlsə də, “Tondela” cinah hücumçusuna görə çox pul istəyib. Məhz bu səbəbdən 21 yaşlı oyunçunun qış fasiləsində keçidi alınmayıb. Amma “Qarabağ” Arkanjidən tamamilə imtina etməyib. Çempion yay transfer pəncərəsində kabo verdeli yarımmüdafiəçinin transferi üçün yenidən danışıqları davam etdirmək niyyətindədir.