UEFA Millətlər Liqasında Slovakiya və Qazaxıstan yığmaları ilə üz-üzə gələcək
Azərbaycan millisinin heyəti açıqlanıb. AFFA-nın rəsmi saytı xəbər verir ki, baş məşqçi Canni De Byazi 26 oyunçuya dəvət göndərib. Zədəli olan Maksim Medvedev gözlənildiyi kimi sas komandaya dəvət almayıb. Legioner futbolçularımızdan “Dinamo” Zaqrebin üzvü Mahir Emreli, İsveçrə “Qrasshoppers”ində çıxış edən Renat Dadşov, Polşa “Visla”sının üzcü Anton Krivatsyuk və İranın “Traktor” klubunda oynayan Höccət Haqverdi də millimizə dəvət alıb. Son vaxtlar əla formada olan və “Zirə”-“Qarabağ” görüşündə poker edən Musa Qurbanlı da İtaliya mütəxəssisis etimadını qazananlar arasındadır. Ümumilikdə yığmaya ən çox futbolçu “Qarabağ”dan çağırılıb. Ağdam klubunun 9 üzvü əsas komandanın oyunçuları arasındadır. Qeyd edək ki, sentyabrın 22-də Trnava şəhərində Slovakiyanın qonağı olacaq Azərbaycan millisi 3 gün sonra Bakıda Qazaxıstanı qəbul edəcək.