Futzal üzrə milli komandamız 2024-cü il Dünya çempionatının elit raund mərhələsində son oyununa çıxacaq. Komandamızın rəqibi Niderland seçməsidir. Hazırda hesabında 4 xal olan Azərbaycan və Rumıniya yığmaları A qrupunda 3-cü, 4-cü pillələri bölüşürlər. Niderland kollektivi 6 xalla 2-cidir. 15 xalla Qrupa başçılıq edən Qazaxıstan seçməsi isə artıq Dünya çempionatına vəsiqəni təmin edib. Bakıda Niderland komandasına qarşı keçirilən ilk oyun millimizin 6-1 hesablı qələbəsilə başa çatmışdı. Seçməmiz artıq cavab görüşü üçün hazırlıqları yekunlaşdırıb.
Niderland – Azərbaycan matçı dekabrın 20-si saat 21.30-da başlanacaq. Qeyd edək ki, Qazaxıstan millisi artıq Dünya çempionatına vəsiqəni təmin edib.