AVRO-2024-ün seçmə mərhələsində “ən yaxşı qol” nominasiyasında səsverməyə start verilib.
Siyahıda Azərbaycan millisinin kapitanı Emin Mahmudovun Bakıda İsveç yığmasına vurduğu qol da yer alıb. Həmin qarşılaşmada millimiz 3:0 hesablı qələbə qazanmışdı. Emin Mahmudovla yanaşı, albaniyalı Kristian Aslani ilə Yasir Asani, Bukayo Saka, Kilian Mbappe, Leandro Trossard, qazaxıstanlı Asxat Taqlbergen, lixtenşteynli Sandro Volfinger və türkiyəli Yunus Akgünün dəqiq zərbələri də “ən yaxşı qol” adına namizəddir. Əlavə edək ki, qalib UEFA-nın rəsmi saytında səsvermədən sonra müəyyənləşəcək. Daha əvvəl Emin Mahmudovun qolu 9-cu turun ən yaxşısı seçilmişdi.