“Qarabağ”ın baş məşqçisi Qurban Qurbanova həsr edilmiş filmin təqdimatı olub. “Stadionlar səssiz olanda” adlı ekran əsərində təcrübəli mütəxəssisin həyat və idman karyerasının ən mühüm məqamları yer alıb. Təqdimat mərasimində ictimaiyyət nümayəndələri iştirak ediblər.
Qurban Qurbanova həsr edilmiş “Stadionlar səssiz olanda” adlı filmdə mütəxəssisin 20-ci əsrin 80-ci illərindən başlayaraq həyatı, futbolçu karyerası və Ağdam klubu ilə Çempionlar Liqasının qrup mərhələsinə yüksəlməsinə qədər məşqçilik fəaliyyəti əks olunub. Təqdimat mərasimində çıxış edənlər filmin yüksək səviyyədə hazırlandığını və belə bir təşəbbüsün Azərbaycan idmanı tarxində əhəmiyyətli hadisə olduğunu bildiriblər. Filmin nümayişindən sonra çıxış edən səbəbkar bütün yaradıcı heyətə minnətdarlığını bildirib.
Qeyd edək ki, Gənclər və İdman Nazirliyinin dəstəyi ilə ərsəyə gələn film noyabrın 30-dan etibarən bütün kinoteatrlarda nümayiş etdiriləcək.