Futzal üzrə dünya çempionatının elit raund mərhələsində mübarizə aparan millimiz növbəti oyununu keçirib. Seçməmiz Astanada Qazaxıstan kollektivinin qonağı olub. Bakıda rəqibinə uduzan futzalçılarımız səfərdəki qarşılaşmaya yaxşı başlayıblar. 8 dəqiqə ərzində yığmamız 2 dəfə rəqib qapısına yol tapıb. Lakin komandamız bu üstünlüyü qoruya bilməyib. Qazaxıstan futzalçıları 3 qol vuraraq qarşılaşmadan qələbə ilə ayrılıblar.
Bu nəticədən sonra Qazaxıstan millisi 12 xalla A qrupun lideridir. Onlardan 5 xal geri qalan Rumıniya seçməsi 2-ci pillədə qərarlaşıb. 4 oyundan 3 xal toplayan millimiz isə 3-cü pillədədir. Qeyd edək ki, komandamız növbəti mərhələyə yüksəlmək üçün qarşıdakı 2 görüşdə mütləq qalib gəlməlidir.