“Yuventus”dan ayrılan Leonardo Bonuççi isə “Yunion Berlin” klubuna keçməyə hazırlaşır.
Almaniya mətbuatının məlumatına görə, İtaliya millisinin 36 yaşlı sabiq müdafiəçisi berlinlilərin təklifini qəbul edib. Qeyd edək ki, Bonuççi 2018/19 mövsümünü istisna etsək, 2010-cu ildən “Yuventus”un heyətində meydana çıxıb. Leonardo turinlilərin heyətində keçirdiyi 502 oyunda 37 qol və 10 məhsuldar ötürmə ilə yadda qalıb. Yeri gəlmişkən, Bonuççinin çıxış edəcəyi “Yunion Berlin” klubu bu mövsüm Çempionlar Liqasının qrup mərhələsində mübarizə aparacaq.