Ulu öndər Heydər Əliyevin 100 illik yubileyinə həsr olunan minifutbol üzrə beynəlxalq yarışda 3-cü gün arxada qalıb.
Millimiz 3-cü görüşdə Gürcüstan komandası ilə üz-üzə gəlib. Startda Çexiya kollektiviylə qolsuz heç-heçə edəndən sonra İtaliya komandasına 2:0 hesabilə qalib gələn seçməmiz yenə uğur qazanıb. Artıq 3-cü dəqiqədə Vüsal İsayev millimizə üstünlük qazandırıb. 23-cü dəqiqədə isə Pərviz Qaraxanov fərqi artırıb. Gürcüstan futbolçuları qalan vaxtda vəziyyəti xeyirlərinə dəyişə bilməyib. Beləliklə xallarının sayını 7-ə çatdıran millimiz hazırda Serbiya kollektivindən sonra A qrupunda 2-ci yerdədir.
B qrupunda isə Ukrayna – Fransa görüşü keçirilib. Matçda qalib müəyyənləşməyib 2:2. Qeyd edək ki, ümumilli lider Heydər Əliyevin 100 illik yubileyinə həsr olunan beynəlxalq yarış “İdman TV”də canlı yayımlanır.