Özbəkistanın paytaxtı Daşkənd şəhərində keçirilən sablya üzrə Dünya Kubokunun mərhələ yarışında qadın komandalar arasında mükafatçılar müəyyənləşib.
Anna Başta, Valeriya Bolşakova, Səbinə Kərimova və Palina Kaspiaroviçdən ibarət komandamız ilk görüşündə Kanada yığmasına 45:38 hesabı ilə qalib gəlib 1/4 finalda kollektivimiz turnirin reytinq favoriti Fransa millisini 45:44 hesabı ilə məğlub edərək, mübarizədən kənarlaşdırıb. Yarımfinalda Macarıstan seçməsi millimizin qarşısında aciz qalıb - 45:37. Qadın sablyaçılarımız finalda Bolqarıstan təmsilçiləri ilə üz-üzə gəliblər. Həlledici görüşdə uduzan komandamız Dünya Kubokunun gümüş medalına layiq görülüb. Xatıladaq ki, daha öncə Dünya Kubokunda qadın sablyaçıların şəxsi yarışında Anna Başta, Zərifə Hüseynova və Səbinə Kərimova mübarizə aparsa da, onlar əsas mərhələnin ilk görüşündə uduzaraq mübarizəni dayandırıblar.