Ağır atletika üzrə 3 qat olimpiya çempion Lyu Syutzyan antidopinq qaydalarını pozduğuna görə Beynəlxalq Dopinq Test Agentliyi tərəfindən diskvalifikasiya olunub.
38 yaşlı çinli ağır atletin orqanizmindən qadağan olunmuş eritropoetin maddəsi aşkarlanıb. O, 2012 və 2016-cı illərdə keçirilən Olimpiadada 77 kiloqram, 2021-ci ildə 88 kiloqram çəki dərəcəsində olimpiadanın qızıl medallarına layiq görülmüşdü. Maraqlıdır ki, Rio De Janeyro Olimpiadasında çinli ağırlıqqaldıran 2-ci yeri tutmuşdu. Amma Qazaxıstanı təmsil edən həmyerlimiz Nicat Rəhimov dopinqə görə diskvalifikasiya olunduğundan onun qızıl medalı bu idmançıya verilib. Bununla yanaşı, Lyu Syutzyan həm də 5 qat dünya çempionudur.