Devis Kubokunun finalında Kanada və Avstraliya tennisçiləri üz-üzə gəlib. İlk görüşdə Denis Şapavalov Tanasi Kokkinakisə qalib gəlib. Hər iki setdə Şapavalov rəqibindən üstün olub - 6:2 və 6:4.
2-ci qarşılaşmada isə Felis Ojye Alyassim qələbə qazanmaqla Kanada millisinə tarixi uğur gətirib. O, Aleks de Munaur-u məğlub edib 6:3 və 6:4. Bu mövsüm 60-cı qələbəsini əldə edən Alyassim yalnız Stefanos Çiçipasdan geri qalır. Yunanıstanlı raketka ustası ondan 1 oyun artıq qələbə qazanıb. Ojye Alyassimin qalibiyyəti sayəsində Kanada millisi umumi hesabı 2:0 edib və cütlüklərin yarışına ehtiyac qalmayıb. Beləliklə kanada seçməsi tarixində ilk dəfə devis kubokunda fəxri mükafata yiyələnib. Maraqlıdır ki, kanadalılar bu il təsnifat mərhələsində məğlub olsalar da, rusiya seçməsinin yarışdan uzaqlaşdırılmasından sonra vayld kartla turnirə qatılmışdılar.