“Qarabağ”ın albaniyalı hücumçusu Redon Cica klubu tərk edə bilər.
Əsas heyətə düşə bilməyən forvardla bir neçə klub maraqlanır ki, həmin klublardan biri də Yunanıstanın “Panserriakos” komandasıdır.  Yunanıstan təmsilçisi Cicanı icarəyə götürmək istəyir. Futbolçunun özü də oyun təcrübəsi qazanmaq üçün “Panserriakos”a keçməyin əleyhinə deyil. Cicanın adıçəkilən kluba transferi aparılan danışıqlardan sonra müəyyənləşəcək.  Qeyd edək ki, Yunanıstan klubu daha öncə “Qarabağ”dan ayrılan gürcüstanlı qapıçı Luka Quqeşaşvilini heyətinə qatıb.