Azərbaycan çempionatında 14-cü tur yekunlaşıb. Son oyun günündə “Turan Tovuz” azarkeşləri önündə “Sabah”la üz-üzə gəlib. Görüşdə hesab 2-ci hissənin əvvəlində açılıb. Otto Con yerli azarkeşləri sevindirib. 67-ci dəqiqədə tarazlığı bərpa edən Coy Lens Mikels yekun nəticəni müəyyənləşdirib - 1:1. Ardıcıl 3-cü oyununda heç-heçə edən  “Turan Tovuz” 27 xalla turnir cədvəlində 3-cu yerdədir. Yarışa 1 oyunu ehtiyatda olan “Qarabag” başçılıq edir. Liderin 34 xalı var. “Araz- Naxçıvan” 33 xalla 2-ci yerdədir. 19 xalı olan “Sabah” 5-ci pillədə qərarlaşıb. 
14-cü turun son oyununda “Sumqayıt” və “Şamaxı” üz-üzə gəlib. Hesabı “Şamaxı”nın üzvü Leroy Mikels acib. Amma əzmkarlıq nümayiş etdirən meydan sahibləri fasilə ərəfəsində hesabı bərabərləşdiriblər. Cordan Rezabala qapını dəqiq nişan alıb - 1:1. 2-ci hissədə penaltini dəqiq yerinə yetirən Rövlan Muradov “Sumqayıt”a 2:1 hesablı qələbə qazandırıb. 14 tura 16 xal toplayan “Sumqayıt”  yarış cədvəlində 6-cı, ondan 3 xal geri qalan “Şamaxı” isə 7-ci pillədədir. Əlavə edək ki, “Şamaxı”nın ehtiyatda 1 oyunu var.