Mövsümə ardıcıl 2 qələbə ilə başlayan “Qəbələ” uğurlu seriyanı davam etdirib.
Elmar Baxşıyevin komandası 3-cü turda “Kəpəz”ə qalib gəlməkdə çətinlik çəkməyib. “Qəbələ” futbolçuları artıq ilk hissədə rəqibi 2 dəfə məyus ediblər. Məqsəd İsayev 18, Ramon Maçado isə 27-ci dəqiqədə diqqət mərkəzinə düşüb. Fasilədən sonra Rövlan Muradov da fərqlənənlər sırasına qoşularaq “Qəbələ”nin “Kəpəz”lə matçda 3:0 hesablı qələbəsini təmin edib. 3-cü turun “Zirə” – “Sumqayıt” oyununda isə qol vurulmayıb.