"Qəbələ"nin U-19 komandası UEFA Gənclər Liqasına vəsiqə qazanıb.
Əyalət təmsilçisi bu hüquqa ölkə Gənclər Liqasının qalibi olmaqla yiyələnib. Komanda 15-ci turdan təxirə salınmış matçda səfərdə "Qarabağ"a 6:0 hesabı ilə qalib gəlib. Bununla da Qəbələnin 19 yaşdək futbolçuları 23 görüşdən sonra xallarını 59-a çatdırıb və sonuncu turun nəticələrindən asılı olmayaraq qızıl medalları təmin edib. Xatırladaq ki, bu, "Qəbələ"nin Gənclər Liqasında 7-ci çempionluğudur.