Ölkəmizin ən titullu idmançılarından olan Rafael Ağayev növbəti döyüşünə hazırlaşır.
Karate üzrə 5 qat dünya və 11 qat Avropa çempionu, eləcə də Tokio-2020 Yay Olimpiya Oyunlarının gümüş mekafatçısı olan idmançımız “Karate Combat” turnirində 3-cü görüşünə çıxacaq. Ağayevin döyüşünün vaxtı da açıqlanıb. Ağayev iyunun 11-də Macarıstan təmsilçisi Jolt Habda ilə qarşılaşacaq. Görüş Amerika Birləşmiş Ştatlarının Orlando şəhərində keçiriləcək. Bu, Rafaelin Jolt Habda ilə ikinci qarşılaşması olacaq. Xatırladaq ki, yanavar ayında Budapeştdə keçirilən döyüş karateçimzin qələbəsilə yekunlaşmışdı. ilk dəfə 2018-ci ildə "Karate Combat" turnirində çıxış edən Rafael Ağayev debüt qarşılaşmasında Dominikan karateçisi Dionisio Qustavoya qalib gəlib