Ingiltərə Premyer Liqasının 31-ci turunda “Vest Hem” doğma arenada “Everton”u qəbul edib. Fasiləyə kimi Aron Kressuel meydan sahiblərinin ilk qolunu vurub. 2-ci hissənin əvvəlində Meyson Holgeyt tarazlığı bərpa edib. Amm 5 dəqiqədən sonra Carrod Bouen “Vest Hem”in qələbə qolunu vurub. 31 tura 51 xal əldə edın “Vest Hem” 6-cı, “Everton” 25 xalla 17-ci yerdədir.
Londonun digər klubu “Tottenhem” isə azarkeşləri önündə “Nyukasl”ı məğlub edib. Hərçənd ki, hesabı qonaqlar açıblar. 39-cu dəqiqədə Fabian Şer fərqlınib. Fasiləyə kimi Ben Deyvis hesabı bərabərləşdirib. 2-ci hissədə isə meydan sahibləri 4 cavabsız qol vurublar. Mett Doherti, Son Hın Min, Emerson Royal və Stiven Berqveyn fərqləniblər: “Tottenhem” – “Nyukasl” 5:1. Bu qələbə sayəsində London klubu 4-cü pillədəki Arsenalla xallarını eyniləşdirib. Komanda əlavə göstəricilərdə üstün olduğu üçün rəqibin geridə qoyaraq 4-cü yerə yüksəlib. Qeyd edək ki, “Arsenal” bu gün “Kristal Pelas”ın qonağı olacaq. Premyer Liqaya 73 xalla “Mançester Siti” başçılıq edir. “Liverpul” “şəhərlilər”dən 1 xal geridir.