2025-ci ildə keçirilməli olan basketbol üzrə Avropa çempionatının final mərhələsinin məkanları məlum olub.
3 ildən sonra həlledici mərhələyə vəsiqə qazanan millilər Latviya, Kipr və Finlandiyaya toplaşacaq. Latviya qrup mərhələsinin oyunları ilə yanaşı, pley-off matçlarına da ev sahibliyi edəcək. Kipr və Finlandiyada isə ancaq qrup mərhələsinin oyunları keçirilkəcək. Xatırladaq ki, Rusiya da yarışa təşkilatçılıq hüququ əldə etmək üçün namizədliyini irəli sürmüşdü. Amma şimal qonşularımızın oyunları Moskva və Perm şəhərlərində keçirmək istəyi təmin olunmayıb. Yeri gəlmişkən, Avropa çempionatının daha bir qrup mərhələsinin oyunları Ukraynada keçirilə bilər. Hazırda FİBA bu ölkənin rəsmiləri ilə danışıqlar aparır. Məsələ ilə bağlı yekun qərar noyabr ayına qədər qəbul ediləcək. Xatırladaq ki, bu il sentyabrın 1-də start götürəcək basketbol üzrə Avropa çempionatı Çexiya, Gürcüstan, İtaliya və Almaniyada keçiriləcək.