İspaniya La Liqasının 28-ci turunda çempionatın lideri "Real" Madrid səfərdə turnir cədvəlinin son pillələrində qərarlaşan "Malyorka" ilə üz-üzə gəlib.
İlk hissədə tərəflər bir-birinin müqavimətini qırmağa çalışsa da hesab açılmayıb. Fasilədən sonra hücumlarının sürətini bir qədər də artıran Madrid klubu 55-ci dəqiqədə istəyinə nail olub. Kərim Benzemanın ötürməsini Cunior Vinisius dəqiq tamamlayıb. Qalan vaxt ərzində fransalı futbolçu özü fərqlənməklə "Real" azarkeşlərini coşdurub. 77-ci dəqiqədə penaltini dəqiq yerinə yetirən 34 yaşlı futbolçu, çox keçmədən növbəti dəfə "Malyorka" futbolçularını mərkəzə dəvət edərək, dubl müəllifi olub. Qeyd edək ki, bu qol Kərim Benzemanın ardıcıl çıxdığı 5-ci görüşdə vurduğu 8-ci qol olub. Ümumi qol sayını 11-ə yüksəldən Benzema La Liqada bombardirlər yarışında liderliyini bir qədər də möhkəmləndirib. "Malyorka" – "Real" Madrid 0:3. 28 turdan 66 xal toplayan Madrid klubu çempionatın lideridir. "Malyorka" isə 26 xalla 16-cıdır.