İngiltərə Premyer Liqanın 29-cu turunda “Çelsi” doğma arenada “Nyukasl”ı qəbul edib. Son 4 görüşündə qələbə qazanan London klubu seriyanı davam etdirib. Qarşılaşmanın sonunda Kai Haverts fərqlənərək komandasına 3 xal qazandırıb. Ardıcıl 5-ci qalibiyyətini alan “Çelsi” 59 xalla turnir cədvəlində 3-cü yerdədir. 66 xala malik “Liverpul” 2-ci, 69 xalı olan “Mançester Siti” isə liderdir.
İlk 4-lüyü 51 xalla arsenal tamamlayır. Yeri gəlmişkən, Londonun bu klubu da ardıcıl 5-ci qələbəsini qazanıb. Komanda doğma arenada “Lester”ə 2 :0 hesabı ilə qalib gəlib. 1-ci hissədə Tomas Parti hesabı açıb. Fasilədən sonra isə Aleksandr Lyakazett penaltini dəqiq yerinə yetirib. “Çelsi”dən 8 xal geri qalaraq 4-cü pillədə qərarlaşan “Arsenal”ın rəqiblərində n2 oyun az keçirdiyini də qeyd edək.