UEFA Çempionlar Liqasının 1/8 finalında cavab oyunları davam edir.
Fransada “Pari Sen-Jermen”ə minimal hesabla uduzan “Real” Madrid bu dəfə rəqibilə “Santyaqo Bernabeu”da üz-üzə gəlib. Hissənin sonuna yaxın qonaqlar önə çıxıblar. İlk matçda minimal hesablı qələbəni təmin edən Kilyan Mbappe İspaniyada da rəqibin qapısına yol tapıb. 1-ci hissədə başqa qol olmayıb. Fasilədən sonra isə oyunun məzmunu kökündən dəyişib. “Real”ın heyətində Kərim Benzema qəhrəmana çevrilib. O, əvvəlcə 61-ci dəqiqədə qapıçı Donnarummanın səhvindən sonra yaranan hücumu qolla tamamlayıb. 76-cı dəqiqədə fransalı hücumçu kral klubunu önə keçirib. Nəhayət 2 dəqiqə sonra het-trik edən Benzema Madrid “Real”ının 1/4 finala vəsiqəsini təmin edib.
Lissabonda “Sportinq”in qapısından 5 top keçirən “Mançester Siti” isə öz meydanında rəqibilə qolsuz heç-heçəyə razı olub.