Naxçıvanda keçiriən kişi şahmatçıların ölkə çempionatı sona yaxınlaşır.
Yarışda ikinci finalçı da məlum olub. Yarımfinalda Vasif Durarbəyli ilə Məhəmməd Muradlı arasındakı əsas oyunlar 1:1 hesabı ilə başa çatdıqdan sonra ilk rapid görüşündə də heç-heçə qeydə alınıb. İkinci rapid matçında qələbə qazanan Muradlı finala yüksəlib. Onun həlledici qarşılaşmada rəqibi Misrətdin İsgəndərov olacaq. Vasif Durarbəyli isə 3-cü yer uğrunda Aydın Süleymanlı ilə üz-üzə gələcək. Həlledici oyunlar bu gün və sabah keçiriləcək. Qarşılaşmalar saat 18-də “İdman TV-də canlı şərh olunacaq.