"Neftçi" qış təlim-məşq toplanışı üçün Türkiyənin Antalya şəhərinə yola düşüb.
"Ağ-qaralar" qış hazırlığıın növbəti mərhələsini qardaş ölkədə keçirəcək. Dizindən əməliyyat olunan qapıçı Aqil Məmmədov hazırlıq prosesində iştirak etməyəcək. Koronavirusa yoluxmuş Sezar Meza Kolli ilə Tiaqo Bezerra, Afrika Millətlər Kubokunun oyunları üçün Qvineya millisinin düşərgəsində olan Mamadu Kane və karantində olan Xorxe Korrea Türkiyədə kollektivə qoşulacaq. Qeyd edək ki, "Neftçi" yanvarın 25-dək Antalyada olacaq. Komanda yanvarın 14-də Macarıstanın “Kişvarda”, yanvarın 19-da Polşanın “Visla” (Plotsk) klubu, yanvarın 24-də isə Bolqarıstanın "MOİK 1948" komandası ilə üz-üzə gələcək.