“Qarabağ” klubu ciddi itki ilə üzləşib.
Konfrans Liqasının Bakıda keçirilən “Bazel”lə görüşü zamanı ağdamlıların liderlərindən sayılan Xayme Romero ilk hissənin son saniyələrində ikili mübarizə zamanı zədələnərək meydanı tərk edib. Oyuna davam edə bilməyən ispaniyalı yarımmüdafiəçini Qurban Qurbanov fasilədə Marko Veşoviçlə əvəzləyib. İspaniyalı futbolçunun zədəsinin ciddi olub-olmadığı həkim müayinəsindən sonra məlum olacaq.