“Fiorentina”  “Arsenal”ın yarımmüdafiəçisi Lukas Torreyranı icarəyə götürüb. 25 yaşlı uruqvaylı futbolçu mövsümün sonuna qədər Florensiyada qalacaq. Amma tərəflər razılığa gələ bilsə, “Fiorentina”nın Torreyranı transfer etmək hüququ da var. Xatırladaq ki, Lukas ötən mövsüm icarə əsasında “Atletiko”nun heyətində çıxış etmişdi. Yeri gəlmişkən, florensiyalılar “Real”ın müdafiəçisi Alvaro Odriosolanı da icarəyə götürməyə hazırlaşır.  Florensiyalılar Madrid klubu ilə razılıq əldə etsə də, 25 yaşlı futbolçudan cavab gözləyir.