Konfrans Liqasında mübarizə davam edir. Artıq pley-off mərhələsinin ilk oyunları yekunlaşıb. “Qarabağ” Tofiq Bəhramov adına Respublika Stadionunda Şotlandiyanın “Aberdin” klubunu qəbul edib. Oyuna meydan sahibləri daha yaxşı başlayıblar. 7-ci dəqiqədə Ağdam təmsilçisi hesabı açmağa yaxın olub. Amma Toral Bayramovun zərbəsini rəqib qapıçı dəf edə bilib. Ardıcıl hücumları səngiməyən Qurban Qurbanovun komandası 30-cu dəqiqədə istəyinə nail olub. Xayme Romeronun zərbəsi qarşısıalınmaz olub. Beləliklə, komandamız fasiləyə minimal hesablı qələbə ilə yollanıb. İkinci hissə daha gərgin keçib. Əsasən son dəqiqələrdə fəallaşan qonaqlar çox çalışsalar da, hesabı bərabərləşdirə bilməyiblər.
Qapısını toxunulmaz saxlayan “Qarabağ” sərfəli nəticə ədə edib. Qeyd edək ki, revanş görüşü avqustun 26-da Şotlandiyada olacaq.