Amerika Birləşmiş Ştatlarında keçirilən ATP seriyalı turnirin qalibi müəyyənləşib.
Həlledici qarşılaşmada italiyalı Yannik Sinner yerli tennisçi Makenze Makonaldla görüşüb. 19 yaşlı Sinner ona göstərilən etimadı doğruldub. Görüşün ilk hissəsi italiyalı tennisçinin 7-5 hesablı qələbəsilə yekunlaşıb. İkinci hissədə Makenze Makonald üstün olub. 6-4. Həlledici setdə yenidən toparlanan Yannik Sinner bu dəfə 7-5 hesabı ilə qalib gəlib. Bunubnla da italiyalı raketka ustası karyerasında 3-cü tituluna sahib olub. O, həm də ATP 500 seriyalı turnirlərdə qələbə qazanan ən gənc tennisçi kimi tarixə düşüb. Xatırladaq ki, bundan əvvəlki rekord Aleksandr Zverevə məxus idi . Almaniyalı idmançı 2017-ci ildə 20 yaşında belə bir uğura nail olmuşdu.