"Zirə" yeni futbolçu ilə anlaşıb. Klubun rəsmi saytının məlumatına görə, niderlandlı hücumçu Məhəmməd Hamdui ilə 2 illik müqavilə bağlanılıb. Qeyd edək ki, 28 yaşlı oyunçunun son klubu ölkəsində "De Qrafshap" olub. O, həmçinin, "Vitess", "Dordrext" və "Tvente" klublarında da çıxış edib.
Bu arada yeni mövsümə hazırlıqlarını davam etdirən “Zirə” yoxlama oyunu keçirib. Qəsəbə təmsilçisi Zirə İdman Kompleksində “Qəbələ” ilə qarşılaşıb və qalib gəlib - 3:0. Komandanın qollarını Qismət Alıyev, Ağabala Ramazanov və Velves Damatsena vurublar. “Zirə” bundan öncə "Sabah"la qarşılaşmışdı (0:0).