“Real Madrid” yeni mövsümə hazırlığı davam etdirir.
Baş məşqçi Karlo Ançelotti komandanın oyun planında dəyişiklik etməyi düşünür. İtaliyalı mütəxssis topa daha çox nəzarət edən, intensiv oynayan, texnikalı və baxımlı futbol sərgiləyən bir komanda qurmaq istədiyini dilə gətitib. O, klubun televiziyasına müsahibəsində gənclərlə vetranların bir-bini əla tamamladığını, məşqlərdə əhval ruhiyyənin yüksək olduğunu dilə gətirib. Ançelotti həm də komandanın yeni üzvü David Alabanın transferinə münsibət bildirib. O, avstriyalı futbolçunun universallığını xüsusilə qeyd edib: “Alaba yüksək dəyərə malik xüsusi bir futbolçudur. Bavariyada o son mövsümlərində müdafiənin mərkəzində oynayıb. Müdafiə planında çox yaxşı çıxış edir. O həm də sol cinah müdafiəçisi kimi də bacarıqlıdır. Bu iki mövqedə çox rahat oynayır. Bundan başqa Avstriya millisindəki çıxışında gördük ki, yarımmüdafiədə də oynamaq bacarığı var. Bir sözlə çox əla mövsüm keçirən Alabanın gücümüzə güc qatacağına əminəm ”
Qeyd edək ki, Avropa çempioonatı və Amerika Kuboku səbəbindən bəzi futbolçular hələ komandaya qoşulmayıblar. Avqustun 1-dən komandanın tam heyətlə məşq edəcəyini bildirək.