Avstriyada təlim-məşq toplanışında olan “Qarabağ” dünən növbəti yoxlama oyununa çıxıb. Qurban Qurbanovun rəhbərlik etdiyi kollektiv Rusiyanın “Arsenal” komandası ilə qarşılaşıb. Ağdam klubu Tula təmsilçisi ilə görüşdən məğlubiyyətlə ayrılıb - 0:1. “Qarabağ” Avstriyadakı ilk yoxlama matçında Bolqarıstanın ÇSKA (Sofiya) komandasını 1:0 hesabıyla məğlub etmişdi.
Yeri gəlmişlən, Konfrans Liqasına hazırlaşan “Qarabağ” daha bir itki ilə üzləşib. Klubun müdafiəçisi Rahil Məmmədov zədələnib. Xoşbəxtlikdən onun zədəsi o qədər ciddi deyil. Bir müddət əvvəl ciddi zədə alan Elvin Cəfərquliyevdən fərqli olaraq Rahil bir həftəyə məşqlərə başlaya biləcək. Qeyd edəcək “Qarabağ”ın iki futbolçusu Bədavi Hüseynov və Elvin Cəfərquliyev ciddi zədə ucabından uzun müddət yaşıl meydanlardan kənarda qalacaqlar.