Uzun müddətdir ki, “Rael Madrid”i çalışdıran və komanda ilə bir çox uğura imza atan fransalı mütəxəssis Zinəddin Zidan komandadan ayrılmaq qərarına gəlib. Xəbəri klub rəsmiləri təsdiqləməsə də tanınmış jurnalist Fabritsio Romano şəxsi “Twitter” səhifəsində yazaraq Zidanın Real”dan gedəcəyini bildirib. 48 yaşlı məşqçinin hansı səbəbdən komandanı tərk edəcəyi məlum deyil. Onu bu postda Massimiliano Alleqrinin əvəzləyəcəyi gözlənilir.
"Real Madrid"lə 2020/2021 mövsümünü gümüş medalla başa vuran mütəxəssis 2016-cı ildən komandanın sükanı arxasındadır. O, bu müddət ərzində Realla 2 La Liqa və İspaniya Superkuboku, 3 Çempionlar Liqası, 2 UEFA Superkuboku və Klublararası Dünya Kubokunu qazanıb.