"Zirə"nin futbolçuları Riçard Almeyda və Fakundo Melivilo Covid-19-dan sağalıblar.
Onların son testləri mənfi çıxıb. Virusa yoluxmaları səbəbindən hər iki futbolçu Premyer Liqanın 21-ci turunda "Səbail"lə oyunda (0:0) iştirak etməmişdi. “Zirə”nin zədəli futbolçusu Davit Volkov da artıq komanda ilə birgə məşqlərə başlayıb. Ancaq onun turda meydana çıxacağı hələ dəqiq bilinmir. Qeyd edək ki, "Zirə" aprelin 11-i 22-ci turda "Keşlə"ni qəbul edəcək.