Şahmat üzrə klublararası onlayn Avropa Kubokunda final mərhələsinin iştirakçıları müəyyənləşib.
Təmsilçilərimizdən “Odlar Yurdu” qrupu lider başa vurub. Komandamız pley-offda Fransa və Çexiya klubu ilə sülh bağlayıb. Digər rəqiblərə gəldikdə isə Almaniya, Ukrayna kollektivləri ilə yanaşı, ölkəmizin digər komandası “Təhsil İdman”ı məğlub edib. Qeyd edək ki, Təhsil idman qrupda 6-cı olub və final mərhələsindən kənarda qalıb. Həlledici mərhələdə ümumilikdə 10 komanda mübarizə aparacaq. İki gün davam edəcək final mərhələsi dairəvi sistemlə təşkil olunacaq. Ümumi mükafat fondu 14 min avro olan Avropa Kubokunun qalibi 4 min avro əldə edəcək.