UEFA Çempionlar Liqasında 1/8 finalın ilk görüşündə “Atalanta”nı minimal hesabla məğlub edən “Real” cavab matçına çıxıb. Zidanın komandası qələbə əzmilə meydana çıxan “Atalanata”nın planlarını alt-üst edib. İlk hissədə hesab açılıb. Kərim Benzema fərqlənib. İkinci yarı daha məhsuldar alınıb. Serxio Ramos penaltini dəqiq yerinə yetirib. 83-ü dəqiqədə qonaqlar toplardan birinin əvəzini çıxıblar. Luis Muriel rəqib qapısına yol tapıb. Amma son dəqiqələrdə Marko Asensio yenidən fərqi 2 topa çatdırıb. 3-1 hesabı ilə qalib gələn “Real” ¼ finala yüksəlib.
Daha bir görüşdə “Mançester Siti” “Borussiya Mönhenqladbax”ı qəbul edib. İlk oyunda 2 cavabsız qolla qalib gələn Xosep Qvradiolanın komandası bu dəfə də eyni hesabla qələbən qazanıb. Qollar ilk hissəyə təsadüf edib. Əvvəlcə, Kevin de Bröyne hesabı açıb. Çox keçmədən İlkay Gündoğan fərqlənib. İki oyunun nəticəsinə görə 4-0 hesabı ilə qalib gələn “Mançester Siti” mərhələ adlayıb.