İngiltərə çempionatında 28-ci tura "Vulverhempton" - "Liverpul" matçı ilə yekun vurulub.
Qarşılıqlı hücumlarla başlayan matçda hesab hissənin sonuna yaxın açılıb. Mersisayd klubunun heyətində Dioqu Jota keçmiş komandasını məyus edib. Fasilədən sonra hesab dəyişməyib. Beləliklə "Liverpul" ardıcıl 2 məğlubiyyətdən sonra 3 xala sevinib. Yürgen Klopun komandası hazırda 46 xalla 6-cıdır. "Vulverhempton" 35 xalla 13-cüdür. Turnir cədvəlinə 71 xalla "Mançester Siti" başçılıq edir. "Mançester Yunayted" 57 xalla 2-ci, "Lester" 56 xalla 3-cüdür.