Milli Basketbol Assosiasiyasının müntəzəm çempionatında mübarizə davam edir. Qərb konfransının ön pillələrində gedən “Los Anceles Klippers” səfərdə “Nyu Orlenas Pelikans”la qarşılaşıb. Görüşün favoriti qonaqlar hesab olunsa da onlar rəqibi ilə bacarmayıblar.
“Nyu Orleans Pelikans” komandası “Smuzi Kinq Senter” arenasında “Los Anceles Klippers”lə qəbul edib. İlk hissəni yerli komanda 36-24 hesabilə öndə başa vurub. İkinci periodda isə qonaqlar 2 xal fərq ilə rəqibini qabaqlaya bilsələr də ümumi hesabda böyük fasiləyə geridə yollanıblar. 57-67. Növbəti hissədə yenidən “Pelikans” basketbolçuları daha yaxşı çıxış ediblər. Nəticədə fərq bir qədər də artıb. 110-83. Həlledici hissədə isə qonaqların bütün səylərinə baxmayaraq vəziyyəti düzəltmək mümkün olmayıb. Beləliklə, “Nyu Orleans Pelikans” ümumən 135-115 hesablı qələbə qazanıb.
Meydan sahiblərinin heyətində Zayon Uilyamson 27 xal, 2 ribaund və 5 məhsuldar ötürmə ilə görüşün ən yaxşı basketbolçusu olub. Məğlubiyyətə baxmayaraq “Los Anceles Klippers” Qərb konfransında 4-cü pillədədir. “Nyu Orlens Pelikans” 11-cidir. Yarış cədvəlinə “Yuta Cazz” başçılıq edir. Şərq konfransında isə “Filadelfiya Seventi Siksers” liderdir.