İngiltərə Premyer Liqasının 27-cu turunda “Çelsi” “Everton”u qəbul edib. Görüşə daha yaxşı başlayan meydan sahibləri ilk hissədə hesabı açıblar. Qonaqların heyətindən Ben Qadfrey avtoqol müəllifi olub. İkinci yarıda tarazlığı bərpa etmək üçün irəli atılan “Everton” futbolçuların cəhdləri uğursuz olub. Əvəzində “zadəganlar “daha bir qol vurublar. Jorjinyo penaltini dəqiq yerinə yetirib. 2 cavabsız qola qalib gələn “Çelsi” 50 xalla 4-cü pillədədir.
“Vest Hem” – “Lids” görüşündə də eyni hesab qeydə alınıb. Meydan sahiblərinin heyətindən Cessi Linqard və Kreyq Douson fərqlənib. Qələbə qazanan “Vest Hem” 48 xalla 5-ci yerdədir. Turnir cədvəlinə 65 xalla “Mançetser Siti” başçılıq edir.