İngiltərə premyer liqasında 23-cü tura “Lids” – “Kristal Pelas” oyunu ilə yekun vurulub.
Meydan sahinləri erkən qolla hesabı açıblar. 3-cü dəqiqədə Cek Harrisonun zərbəsi qarşısıalınmaz olub. İlk hissə minimal hesanıa başa çatıb. Fasilədən sonra fərq artıb. 52-ci dəqiqədə “Kristal Pellas”ın qapıçısı Visente Quayitanın qaytardığı topu Patrik Bemford qapıdan keçirərək karyerasında 100-cü qolunu vurub. Qalan vaxtda hesab dəyişməyib. Beləliklə “Lids” “Kristal Pelas”ı 2:0 hesabilə məğlub edib. Marselo Byelsanın komandası qələbə sayəsində xallarının sayını 32-ə çatdıraraq 11-ci yerdən 10-cu pilləyə yüksəlib. 29 xalı olan “Kristal Pelas” isə 13-cüdür. Yarış cədvəlinə 50 xalla “Mançester Siti” başçılıq edir. “Mançester Yunayted” 45 xalla 2-ci, 2 xal az toplayan “Lester” 3-cüdür.