Bir müddət əvvəl Bruno Labbadianı istefaya göndərən Berlin “Herta”sı isə yeni baş məşqçisinin adını açıqlayıb.
Komandaya bundan sonra Pal Dardai rəhbərlik edəcək. Macarıstanlı mütəxəssis paytaxt klubunun azarkeşləri üçün yad sima deyil. O, 14 il futbolçu kimi “Herta”nın şərəfini qoruyandan sonra 2011-ci ildə məhz berlinlilərin heyətində karyerasını yekunlaşdırmışdı. 2015-ci ildə “Herta”ya baş məşqçi təyin olunmuş, 2019-cu ilə qədər bu komandaya rəhbərlik etmişdi. Son 2 ildə isə Dardai klubun aşağı yaş qruplarında məşqçilik fəaliyyətini davam etdirirdi. Qeyd edək ki, 18 turdan 17 xal toplayan Berlin “Herta”sı Almaniya bundesliqasının yarış cədvəlində 14-cüdür.